الفن مش حرام واتجوزت مرتين عرفي لهذا السبب.. تصريحات نارية لـ أحمد فلوكس

فجر الفنان أحمد فلوكس عدد من التصريحات النارية خلال حلوله ضيفًا على برنامج حبر سري الذي تقدمه الإعلامية أسما إبراهيم على شاشة قناة القاهرة والناس الفضائية في تمام الساعة 6:25.

وفي هذا الصدد يرصد تحيا مصر أبرز تصريحات أحمد فلوكس في برنامج حبر سري. 

تصريحات قوية من أحمد فلوكس في برنامج حبر سري

• اتجوزت مرتين عرفي عشان اتعقدت من أن الناس تعرف حياتي الشخصية 

• أم ابني سيف هي الهدية اللي ربنا بعتهالي وقعدت 12 سنة مستنياني عشان ارجعلها وكانت بتربطلي الكرفتة وأنا متجوز 

• أنا مكنش عندي خلاف مع محمد رمضان 

• أنا مش عايز امثل دلوقتي خالص ومهتم بالبيزنس بتاعي وداخل أنتج 

• طموحي العالمية 

• محمد رمضان اعتقد مش هيحب ادخل معاه عمل لأنه هيبقى فيه نجمين 

• مكنتش مع تامر ولا حلا في أزمتهم بس أنا لو مكان منتج العمل مش هاجي عليه وهنفذ اللي اتفقنا عليه

أ• ول ما مثلت كنت حابب اعمل أكشن

• الفن مش حرام وبحبه ورسالة مهمة جدا 

 • معملتش فلوس من الفن عملت من البيزنس واشتغلت مؤظف ب 5000 جنية بعد الممر 

• بيطلعوا عليا إشاعات عشان انا ناجح 

• كنا صيع بس كانت الصياعة أدب وفي حدود مينفعش معتقد 

• بسمع مهرجانات وبحبها جدا 

• فيلم أصحاب ولا أعز مش عادي ولا عادي في المجتمع ولا في الدين

• مينفعش يبقى عندي محرمات في الكتب السماوية واطلعها للناس عادي تبقى مسموحات

• مينفعش نمنع بتوع المهرجانات طالما ليهم جمهور لكن نعلمهم

• أنا كنت من أسوء الناس وكنت بعمل حاجات وحشة بس مش بعملها على الشاشة

• لو لعبنا في عاداتنا وتقاليدنا هيروح العرض فتروح الأرض

• أحد أسباب رفضي لوش سجون كلمات الأغنية 

• معنديش مانع انتج لبتوع المهرجانات لكن اغير رسالتهم والفاظهم

• اكتر حاجة عملتها كويسة وسايبها لابني فيلم الممر

• ابويا جزمته فوق رأسي لحد ما اموت ولو فيا حاجة كويسة فهي منه 

• عمري ما اقاطع أبويا في يوم من الأيام 

• أنا كان عندي حاجة مش عايز أبويا يعرفها عشان ميشلش الهم فاختفيت عنه شوية عشان مبعرفش أكدب وهم لعبوا على الحتة دي

• مهاجمتش أمينة خليل وأنا بحبها جدًا لكن هاجمت الرقابة اللي عدى عليها حاجة زي دي 

• مشهد أمينة خليل ابني اللي بعتهولي فاتصدمت 

• هاجمت هادي الباجوري لأنها كانت إجابة منيلة مينفعش يقول كده على الشاشة يروح يعمل دا في بيته 

• الحرام بين والحلال بين ولازم تبقى عارف أنت بتقول ايه وفين متخلنيش كفنان امشي اتشتم في الشارع 

• إلهام شاهين حبيبتي لكن ربنا حبيبي أكتر وقيمي ومبادئ باحترمهم أكتر 

• من حقي كمسلم وراجل وفنان أقول رأيي في الحاجات دي 

• ميفرقش معايا أكون محبوب في الوسط المهم يكون ربنا بيحبني وبتقيه

• أحمد السبكي حبيبي لكن مبينفذش اتفاقاته