عايدة رياض باكية: «أخويا واحشني وبنته بتفكرني بيه»

حلت الفنانة عايدة رياض ضيفة الحلقة رقم 11 من برنامج سابع سما الذي يعرض عبر شاشة قناة النهار وذلم في تمام الساعة التاسعة مساءً.

تحيا مصر يرصد لكم أبرز تصريحات الفنانة عايدة رياض في برنامج سابع سما وذلك خلال السطور القادمة

عايدة رياض وشقيقها الراحل

وعندما جاءت صورة شقيقها الراحل خانها نظرها لأول مرة، وبكت قائلة: واحشني اوي كان جميل وطيب، بقاله سنه متوفي كان جميل جدا جدا وقمر، بنته مايا معايا وبتفكرني بيه وعلى طول هو معايا، وكان بيحبها اوي انا متخيلتش انه يمشي، اقوله متقلقش وهي كبرت دلوقتي بقى عندها 8 سنين، ولا يمكن حنانه وحبه ليها يتعوض، انا ربيت مايا وهي عندها 10 اشهر، عيد ميلادي اللي فات انا لبست واتزوقت واتصورت معاه ومعاها كأن قلبي كان حاسس.

ووجهت رسالة من قلبها تناجي الله سبحانه وتعالى فيها، قائلة: يا رب سامحني واغفرلي اي حاجة ممكن اعملها ونورلي طريقي، وابعد عني اي حاجة وحشة واديني الصحة والستر.

عايدة رياض وحسن شحاتة

وتطرق البرنامج إلى فقرة سابع سما وسابع أرض والتي يتم فيها عرض صورة لكل فنان ويختار الضيف أن يطلع سابع سما أم يسقط لسابع أرض مع إعطاء رأيه في فنه وتصرفاته، وكانت أول صورة لحسن شحاتة، فقالت عايدة رياض: حبيب الملايين وقريب للوطن العربي كله سابع سما طبعًا، هو يستحق المحبة دي كلها وبابا لما جاله فشل كلوي من 30 سنه والمرض كان غير معروف لسه حسن كان في دبي هو وهدى وكريم بيدرب هناك، وقعد بابا شهر في المستشفى فكانت بـ 35 الف في اليوم وبعت لحسن في دبي بعتلي 10 الاف دور والدولار كانت بجنيه ونص وكان موقف جميل ومحدش تبعي قال انت فين، جوزي الموضوع ده مفكرش فيه.

عايدة رياض وصفعة محرم فؤاد لها

وبعد ذلك جاءت صورة محرم فؤاد، فقالت عايدة رياض: مش اول قصة حب عشان كان في اختلاف في الجواز مع حبيبي السابق واتجوزت محرم، وهو انسان وفنان مصري صميم وصعيدي وهو جميل، وضربه بالقلم ليا كان حقه بسبب الكلام اللي سمعه، انا كنت بتكلم في الريسبشن وأوضة النوم كان فيها تليفون وكان نايم وجه خبط عليا وقالي في تليفون عشانك وانا معرفش حد هناك، اللي كلمني مكانش خطيبي هو بعت حد لـ لندن وكان ساعتها في الجيش فمكانش ممكن يسافر ف بعت صاحبه ده لندن وهو كان مسافر يعني، وقعد يبحث فين المطرب محرم فؤاد وجاب النمرة وكلمني وكنت صغيرة واداني علقة كانت العلقة الأولى والأخيرة وقعد يأخر نزولنا من لندن عشان انسى.

وتابعت قائلة: وطبعًا هو نزل في مصر إبراهيم ده يعين كل الوسط الفني خالد الأمير وبليغ حمدي، وكان وشي ملطش قالوا دي لو راحت مصر انت هتتسجن، كان عصبي جدا ولولا الراجل والست اللي كانوا معانا كنت هموت، بس هو راجل بيت وكان بيحبني جدًا وكانت مرة وممدش ايده تاني عليا ابدًا.