عمرو يوسف يكشف الحقيقة الكاملة عن أزمة ضربه لعامل في الجونة «تفاصيل»

حل الفنان عمرو يوسف ضيف الحلقة رقم 8 من برنامج حبر سري في رمضان مع الإعلامية أسما إبراهيم الذي يتم عرضه عبر شاشة قناة القاهرة والناس.

تحيا مصر يرصد لكم تصريحات هامة للفنان عمرو يوسف في حبر سري وذلك خلال السطور القادمة

عمرو يوسف وتحرش النساء به

تحدث عمرو يوسف عن حقيقة إشاعة تعرضه للتحرش من سيدات في الشارع من قبل، فقال: لا محصلش دي إشاعة.

عمرو يوسف ومنتقدي فيلم ولاد رزق

وكان رده على منتقدي الالفاظ الجريئة في فيلم ولاد رزق، قال: اول مرة اسمع ان في هجوم على اولاد رزق، احنا عملنا منه الجزء الأولاني وحقق نجاح ولذلك عملنا الجزء الثاني وحقق نجاح اكبر، يمكن ايرادات الجزء الثاني من اعلى الايرادات التاريخية في السينما المصرية، والالفاظ كانت طبيعة الفيلم ومكنتش جريئة ولا حاجة هي كانت اقل من الطبيعي وبتحصل في أي حتة في الحقيقة، والشخصيات اللي احنا بنقدمها دي طبيعة حياتهم ودي صراعاتهم، وده المناسب لذلك هو عجب الناس وحقق نجاح كبير.

وتابع: وممكن اعمل جزء ثالث من ولاد رزق واحنا شوفنا اعمال اتعمل فيها لحد الجز التاسع فالاعمال طول ماهي ناجة ومطلوبة يبقى نعمل منها أجزاء.

عمرو يوسف وأزمة ضربه لمعجب

وحينما سألته أسما عن ضربه عامل كان يريد أخذ صورة سيلفي معه، فكان رده: اللي حصل ان نزل خبر في الدورة الأولى من المهرجان أن عمرو يوسف ضرب عامل كان عايز يتصور معاه وانا لما ببقى متأخر على الطيارة في المطار وحد يطلب يتصور معايا بتصور معاه، ولو خلاص باب الطيارة هيقفل هقوله انا اسف جدا متأخر على الطيارة ده ابسط حاجة، لكن اضرب واحد طلب مني صورة سيلفي ده كلام غريب جدًا.

وتابع: الولد ده مكنش عامل في الجونة وكنا معزومين على عشا ثالث يوم المهرجان، وانا راجع لاقيت ولد ماسك الموبايل حاطه على صدره وبيبيص يمين وشمال وعمال يصور الترابيزة والناس اللي واقفة، ولما سألته بيعمل ايه اتلجلج وشديت التليفون وطلع يجري، وبعدسن طلعت برا لاقيته واقف برا وقولتله افتحلي التليفون خاف وجري وصاحبه جال قالي انا هفتحلك التليفون بس مش هقولك الرقم السري، وفتح لاقيته مصور لايف 3دقايق و20 ث على الفيسبوك بتاعه وبصيت في موبايله لاقيت فيه بلاوي سودا.

وأردف، قائلًا: كان مصور الترابيزة بتاعتنا والبنات بالتحديد 3 ايام المهرجان مصور البنات، تاني يوم خليته معايا ورديت على مامته وخاله قالي انه كلمني وخد مامته عايزه تكلمك، وقالتلي والنبي احنا بنحبك وبنحب مراتك انا نصحته 100 مره وبيعملنا مشاكل وابوه ميت وخاله هو اللي يربيه، كانت خايفه اني ابلغ عنه لأن موبايله كان في حاجات تحبسه، وخالي قال يانا محامي ومستعد ادافع عنك في البرامج واقول ان الولد هو الغلطان، بس قولتله همسح التليفون بالكامل وهبعتلك التليفون والولد غلطان.

عمرو يوسف وأزمة شيرين في حفل زفافه

وحينما سألته أسما عن أزمة يوم فرحه وتصريحات شيرين عن عمرو دياب، فقال: عمرو دياب نجم كبير ومشرفنا في العالم وشيرين صوت مصري أصيل، ومليان احساس ونجمة كبيرة، لو عندي لوم وعتاب على اللي نزل الفيديو وعرفت مين هو وهو مكنش يقصد.