طارق الشيخ باكيًا: «أبويا كان شيخ بس فرحان إني ابنه»

حل المطرب الشعبي طارق الشيخ ضيف الحلقة الرابعة من برنامج سابع سما مع الإعلامية راغدة شلهوب، المذاع عبر شاشة قناة النهار في تمام الساعة التاسعة مساءً.

تحيا مصر يرصد لكم تفاصيل علاقة طارق الشيخ بوالده الراحل وذلك خلال السطور القادمة

طارق الشيخ ووالده الراحل

تحدث طارق عن والده الراحل، قائلًا: متوفي بقاله سنتين متوفي والمرض كان متفشي في جسمه كنت قريب منه، واتقلبت حوالي 5 مرات بالعربية وكنت بنجو بدعوات الراجل الطيب ده.

وتابع باكيًا: كنت اكلمه يقولي هتاكل ايه اللي انت عايزه هخلي امك تعملهولك، كان بيهون عليا حاجات كتيره بعيد عن الشغل والماديات، هو في حته وانا في حته، هو شيخ وانا شغل تاني بس كان فرحان ان طارق الشيخ ده ابنه، واصحابوا الشيوخ كانوا بيحبوني وبيدعولي وبيجوا يزورونا هناك وبينصحوني، ابويا رباني على اننا نتغدا في طبق واحد ونتعشا في طبق واحد، وربانا على النهارده في سمك يبقى في سمك في جبنه يبقى في جينه.

أردف: متبتعتش نفس طريقة ابويا في التربية عشان ولادي كانوا بيقولولي انت رجعي، انا لما بمسك الموبايل بتوه لحد ما لاقيت كله بيقولي خلاص لازم تستخدم النت، انما التربية عندنا كان فيها قناعة، لان دايما حاطط في دماغي ان ابويا موظف، لكن ولادي طلعوا على ان ابوهم طارق الشايخ وضيعنا فلوس على حاجات فاضية.

واستكمل كلامه، قائلًا: لو انت متعلم كويس لو اسمك المهندس او دكتوره هيعاملك على اساس ده انما ممعكش شهادة هيقولك ده ابن طارق الشيخ.

رسالة طارق الشيخ لأولاده وزوجته

وأرسل طارق الشيخ رسالة لزوجته وأولاده، قائلًا: كل سنه وانتوا طيبين وهتوحشوني بس انا في هدنه وهرجع ولا عمري هستغنى عنكم ولا تستغنوا عني.

واختتم كلامه، قائلًا: عايز اشكر جمهوري اللي سأل عليا وان شاء الله في حاجات كتيرة نازلة الفترة الجيه.

طارق الشيخ يثير الجدل

ومن ناحية أخرى، كان المطرب الشعبي طارق الشيخ أثار جدلا كبيرًا بسبب رأيه في قرارات الفنان هاني شاكر نقيب المهن الموسيقية حيث قرر وقف بعض مطربي المهرجانات، ومن جانبه أوضح طارق الشيخ في تصريحات له أنه يؤيد قراره بوقف كل من يتحدث بطريقة بذيئة وألفاظ خادشة للحياء.

وقال طارق الشيخ: “أنا مش مع وقف المطرب، أنا مع إن أي حد كويس ياخد حقه، وألوم الكويس؛ لما يغني حاجة وحشة”، ومن جانبه الإعلامي محمد موسى كان قد أحرج المطرب طارق الشيخ على الهواء ببرنامجه “خط أحمر” الذي يقدمه عبر شاشة قناة الحدث الفضائية، بسبب غنائه مع مؤدي المهرجانات أحمد موزة.

ورد المطرب الشعبي طارق الشيخ، قائلًا: “لم أكن على علم أن مطرب المهرجانات أحمد موزة لم يحصل على عضوية نقابة المهن الموسيقية”، وحرص أن يوجه نصيحته لمؤديين المهرجانات، بالتقدم بأوراق القيد للنقابة والالتحاق بها بطريقة قانونية بعيدة عن أية شبوهات.