طارق الشيخ باكيًا: تعبت بسبب عدم تقدير أولادي وزوجتي ليا

حل اليوم المطرب الشعبي طارق الشيخ ضيف حلقة رابع يوم رمضان من برنامج سابع سما مع الإعلامية راغدة شلهوب، المذاع عبر شاشة قناة النهار في تمام الساعة التاسعة مساءً.

تحيا مصر يرصد لكم تفاصيل الوعكة الصحية لطارق الشيخ وأسبابها وذلك خلال السطور القادمة

تفاصيل وعكة طارق الشيخ الصحية

تحدث المطرب الشعبي طارق الشيخ عن أسباب أزمته الصحية، قائلًا: كانت نرفزة زيادة لما بتقعد تقول حاضر كتير، بقول حاضر وبعمل وهما بيقولوا حاضر مبيعملوش، وقعدت احزن، وانفجرت العيال راحوا المدارس وانا ووالدتهم في البيت بدأت اكسر حاجة حاجة ووقعت اتعورت خدت 5 غرز، وقعدت يومين في الرعاية كان انهيار عصبي والدكتور كان شاكك وقعدني يوم كمان في الرعاية.

وتابع طارق الشيخ باكيًا: مكنتش شايف حاجة خالص وقتها ومكنتش عايز اشوف حد بس.

وحينما سألته راغدة شلهوب عن السبب أكان للفن سبب في ذلك، قال: انا في الفن ربنا ساترني وشغال الحمد لله والناس واقفة معايا، لكن اولادي وزوجتي مكنوش مقدرين كل ده، عندي 3 اولاد اسمهم شهاب، مازن، عادل ودول كبار وبنتين اسمهم رحمة ومريم ودول صغيرين.

طارق الشيخ: تعبي بسب التراكمات

وتابع طارق، قائلًا: بقالي شهرين مبمسكش الموبايل ومعايا المساعد واللي بيسوقلي العربية، عندي 3 الاف اسم بس مفيش حد منهم معايا غير 5 او 6.

ووأردف قائلًا: تعبي كان بسبب تراكمات كنت نايم وناويلها وشايف الموضوع قدامي ده اللي هداني غير كده كنت هقفل الموبايل وامشي، مش ندمان على اللي حصل ندمان اني كنت ممكن اروح فيها.

طارق الشيخ يوجه رسالة لعائلته

واستكمل كلامه قائلًا: متمنتش الموت وقتها وهما ميفرقوش بس وحشونيو لا ابني هينفعني ولا حد هينفع ابني.

كما وجه لهم رسالة، قائلًا: قدروا تعب أبوكوا عليكوا، وأنا علمت اولادي وعاقبتهم عشان حبوا الفن عشان انا ارزقجي على الله، ومهنتنا بالمزاج بتبقى حسب مزاج الناس بس اللي معاه شهادة حسب مزاجه هو مش حسب مزاج الناس.

كما وجه رسالة لزوجته، قائلًا: اهتمي بالولاد وحسسيهم بتعب ابوهم عليهم، وأشار قائلًا: هي قصرت في الحتة دي واهتمت بيا اكتر منهم.