شيرين رضا: ضد منع المهرجانات والمثلية الجنسية مش دخيلة علينا

صرحت الفنانة شيرين رضا اليوم في حلقتها مع الإعلامية أسما إبراهيم في برنامج حبر سري المذاع عبر شاشة قناة القاهرة والناس، وذلك في تمام الساعة 6.20 مساءً.

تحيا مصر يرصد لكم تصريحات الفنانة شيرين رضا في حبر سري وذلك خلال السطور القادمة

شيرين رضا ومطربي المهرجانات

وحينما سألتها أسما إبراهيم عن رأيها عن منع كلًا مطربي المهرجانات والفرقة الموسيقية الشهيرة التي كان أحد أعضائها مثلي الجنسية، قالقت: انا ضد المنع ومضايقة ان بتوع المهرجانات اتمنعوا هما اه هبلوا بس مش من غلطة نبعدهم ازاي نمنعه، ده بيحصل على طول زي الراب لما منعوهم في امريكا عشان مانوا بيشتموا فيه، الفن الشعبي الاصيل من البلد بيبقى في قلة ادب.

وعن رأيها في إدخال افكار دخلية مثل المثيلة الجنسية على السينما المصرية، قالت: مفيش حاجة دخيلة علينا كان عندنا المايوهات والقبلات والاحضان من امتى بقينا كده احنا بنتقدم مش بنتأخر، السينما لازم تبقى متنوعة.

شيرين رضا وعلاقتها بأبيها

وتحدثت عن والدها صاحب فرقة الفنون الشعبية المشهورة، فرقة رضا، قالت: بابا مكنش عاوزني ابقى حاجة وعلمني وسألني انتي عايزة تكوني ايه ومضغطش عليا عشان اكمل مسيرته، والفنون الشعبية مكنتش جوايا وجربت ورقصت مع الفرقة بس صعب أوي من حياتي كفنانة وممثلة.

وتابعت: كنا صحاب أوي لما كنت 11 سنه كنا بنروح اسكندرية انا وهو بس وعمره ما عاملني على ان انا طفلة، كان بيخليني اعتمد على نفسي من وانا صغيرة عشان افلح في الحياة دي.

شيرين رضا والأذان

أما عن أزمتها مع الأذان التي تعرضت لهجوم كبير بسببها، قالت: مش المفروض اي حد، المفروض الاذان اكتر حاجة تقربني من ربنا وعنديش مشكلة في الصوت العالي وانتقادي كان لازم يبقى المؤذن صوته حلو وانا مقولتش حاجة غلط.

وأستكملت كلامها، قائلة: النبي مكنش بيأذن وبلال كان بيأذن عشان صوته احلى، مش عيب ومش لازم كلنا نعمل كل حاجة، زي انا صوتي وحش بس ده مش صوت يغني، وانا مش ضد الاذان او ضد ربنا انا ضد الصوت الوحش، ليه منوحدش الاذان؟.