بعد اصابته باكتئاب.. كريم مغاوري في وصلة رقص جريئة «فيديو»

أصيب الفنان كيرم مغاوري الفترة السابقة بإكتئاب الأمر الذي أثار الجدل حوله بشكل كبير، وقد ظهر منذ قليل عبر حسابه الرسمي بموقع تبادل الصور والفيديوهات الشهير انستجرام بفيديو مثير للجدل.

تحيا مصر يرصد لكم وصلة رقص جريئة للفنان كريم مغاوري بعد إصابته بالإكتئاب

وصلة رقص جريئة لـ كريم مغاوري 

وظهر الفنان كريم مغاوري في الفيديو بوصلة رقص مع فتاة شقراء، وعلق على الفيديو: الفيديو ده اهداء لمحبي الفن والحياة والحب والجمال #ملحوظة بس مهمة ديه هواية شخصية وحاجة بحبها مش بحب نوعية التعليقات بتاعت معجبنيش ومكنتش نتخيل انك كده ومينفعش وميصحش وتقبل النقد من جمهورك… انتقدني في عمل فني لما اكون بمثل لكن هوايتي وانشطتي الشخصية في حياتي نقدك تخليه لنفسك انا مش بتدخل في حياة حد عشان حد يتدخل في حياتي.

وتابع: ياريت نستوعب ولما انشر فيديو بنشره لاني مبسوط وفرحان بالحاجة اللي بعملها مش مستني رأي حد فيها خالص….. واي تعليق مسيء بمسح صاحبه من عندي عشان ميزعلش لما يشوف فيديوهاتي.

إصابة كريم مغاوري بالإكتئاب

ومن الجدير بالذكر، قد أعلن مغاوري مسبقًا عن إصابته بالإكتئاب وقد كتب بعدها عبر حسابه الرسمي بموقع التواصل الاجتماعي فيسبوك: «بشكر كل الأصدقاء الأعزاء واخواتي الغاليين اللي اطمنوا عليا هي فترة وهتعدي بعون الله، وربنا يهدينا ويرزقنا الرضا من عنده، احنا ملناش غير ربنا، شكرا للصحفيين اللي حبوا يطمنوا عليا ويعرفوا حالتي».

تفاصيل الحالة الصحية لكريم مغاوري 

وأردف الفنان كريم مغاوري كاشفا عن تفاصيل حالته الصحية، فكتب: «أنا عادي مريض اكتئاب وبتعالج، شعري مش منكوش، وبنزل وبضحك وبهزر وبخرج وبقعد في أوضتي كتير في الضلمة وبحزن وبعيط وببعد عن الناس وبحاول أقاوم أي ضغط نفسي هو مريض الاكتئاب كده كل حاجة وعكسها عادي ، بس منهم لله اللي بيزودوه علينا ..الحمد لله واستغفر الله ولا حول ولا قوة الا بالله».

واستكمل كريم مغاوري حديثه: «١٤ قرص منوم عشان انام ومفيش فايدة يارب لو كان ده تكفير ذنوب انا راضي والحمد لله والرزق بأيد ربنا وكسرة نفسي بطلب من ربنا يجبر بخاطري يارب».