نجوى فؤاد: «مبعرفش أرقص بلبس عريان.. وبصلي ديما في السيدة نفيسة»

حلت الفنانة والراقصة الكبيرة نجوى فؤاد، ضيفة على برنامج «كلام الناس»، الذي تقدمه الإعلامية ياسمين عز عبر قناة mbc مصر، والتي كشفت من خلاله عن رأيها في الراقصات الأوكرانيات وعلاقتها بالفنانة فيفي عبده ودينا.

تحيا مصر يرصد تصريحات نجوى فؤاد عن الرقص في برنامج كلام الناس 

كشفت نجوى فؤاد علاقتها بالراقصة فيفي عبده ودينا، فقالت: «مبقتش أعرف أوصل افيفي عبده ودائما تليفونها مقفول وآخر مرة زارتني من سنتين، ولكن دينا من أكتر الناس اللي بحبها وفي حالها وساعات بتسأل عني».

وتابعت حديثها عن الراقصات الأوكرانيات، معربة عن استيائها من ملابسهم، فقالت: «الراقصات الأوكرانيات بيرقصو حلو لكن لبسهم كله مفتح وشبابيك، ودا مش بيليق بعادتنا وتقاليدنا ولا الفن يتاعنا»، مضيفة: «أنا أول واحدة عملت القطعة الشيفون على البطن كنت لازم ابقى متغطية عشان أعرف ارقص، وعندي عادة دينا إني أروح أصلي المغرب والعشاء في السيدة نفيسة كل أسبوع بس دلوقتي مش قادرة اروح بسبب تعب ضهري». 

نجوى فؤاد: اتجوزت 6 مرات عن حب.. ومكملتش مع أحمد رمزي عشان بنته

وتحدث فؤاد خلال البرنامج عن عدد وزيجتها، مؤكدة أنها تزوجت من 6 رجال فقط وليس 15 رجل كما زعم البعض، مشيرة إلى أنها تزوجت من أحمد رمزي 6 أسابيع فقط، وعن علاقتهم فقالت فؤاد: ««كنا بنعمل فيلم وهو كان مطلق مراته وانا متطلقة، وعرض عليا الجواز واتجوزنا، سافرت ولقيته اتصالح هو ومراته وهو بيعبد بنته، فقولته إحنا مخسرناش حاجة يلا ننسحب، وبقينا أصدقاء أكتر مااحنا كنا مرتبطين».

الجدير بالذكر أنه، بعد 7 سنوات اختفاء، عادت الفنانة والراقصة الشهيرة نجوى فؤاد لإثارة الجدل حولها، من خلال تصريحات مؤثرة، حول إهمال الوسط الفني لها، سواء بالسؤال عنها أو بترشيح أعماله فنية عليها، رغم أنها تعتبر من أكثر الممثلات تواجدا في عدد من الأفلام السينمائية، وقالت فؤاد خلال الفيديو: «مفيش حد في الوسط بيسأل على حد خالص ليه؟ حرام مش عشاني أنا عشانا كلنا واحنا اللي بنحب بعض وبنجري ورا بعض وبنتمنى السعادة لبعض وحبوا بعض هتلاقوا الخير».