نشرة أخبار الفن: بلاغ للنائب العام ضد سعد الصغير ونجله.. موسى سام ومولوتوف يقدمان أغنية راب «غطي وشك» في مسلسل منورة بأهلها.. شريف إدريس: «أعتزلت الفن قربت أشحت وبحلم إني بقتل عيالي»

شهدت الساحة الفنية اليوم الخميس الموافق 10 من شهر مارس الجاري، العديد من الأحداث الهامة واللافتة للإنتباه، كما حلت عليه عدد من الأحداث الغريبة والتي سيقوم موقع  تحيا مصر  برصدها لكم خلال السطور القادمة.

بلاغ المستشار قنطوش ضد سعد الصغير ونجله

 قال المستشار ياسر قنطوش في بلاغه للنائب العام: قام المشكو في حقه الثاني بتحريض المشكو في حقه الأول، على قيامه بسب وقذف الطالب على مواقع التواصل الاجتماعي، على الحساب الشخصي للمشكو في حقه الأول وقام بتوجيه عبارات وألفاظ تمثل إهانة تمثل سب وقذف للطالب.

وأردف المستشار ياسر قنطوش: وذكر ضمن عباراته قائلًا، عايز أقول إن قناة الحدث مفكرة أن عندها واحد في قمة الاحترام وهو أصلا لا يعرف أي حاجة عن الاحترام كما وصفه أنه فاشل كما وصف الطالب بوصف الإعلامي بالبلبوص، وهو ما يؤكد التحريض من قبل المشكو في حقه الثاني.

واختتم ياسر قنطوش بلاغه قائلًا: لهذا يتقدم الطالب بالبلاغ العاجل سيادتكم ويلتمس التحقيقفي تلك الواقعة واتخاذ اللازم قانونيا حيال المشكو في حقهما.

موسى سام ومولوتوف في «غطي وشك»

تعاون مغني الراب موسى سام ومغني الراب مولوتوف في أغنية بعنوان «غطي وشك» في مسلسل «منورة بأهلها» الذي يعرض خلال هذه الأيام والذي حظى بشعبية كبيرة بعد عرض الحلقات الأولى منه.

ومن المتوقع أن تحظى الأغنية بإقبال كبير من قبل محبي موسى سام ومولوتوف، نظرا لشعبيتهم الواسعة، وقد أعلنت الصفحة الرسمية للراب على انستجرام «راب سين» عن ذلك وقالت: عاون جديد يجمع موسى سام مع مولوتوف بعنوان غطي وشك من مسلسل منورة باهلها بطولة الفنان باسم سمرة.

إعتزال شريف إدريس الفن

وكتب الفنان شريف إدريس عبر حسابه الخاص، قائلا: بسم الله الرحمن الرحيم بعد ٣٥ سنه سعي وتعب وشقي في الوسط الفني قررت الاعتزال والابتعاد تماما وتغيير مسار حياتي وأي حد عنده فرصة سفر ليا هاكون شاكر ليه وده طلبي الوحيد..وده قرار أخدته بعد ما الامور وصلت في الوسط الفني لمرحله عبثيه وصلت اني بقيت بشوف بعض الزملاء بيشحتو الشغل علني علشان يشتغلو لان الشغل بقي متقسم علي ناس معينه..فلو الامور وصلت لكده ابعد احسن.

وتابع شريف إدريس: وحتي لما بيجي شغل بيتفرض عليك توافق باقل الفلوس وتخرج من الشغل مديون..ومواقف مهينه زي ان شركة انتاج تعرض عليك اجر هو قيمة ربع اجرك والسبب انهم الميزانيه مصروفه عالديكور..طب خلو الديكور يمثل.

وأردف: هحكيلكم موقف حصل معايا من اسبوع..اتصل بيا حد قالي عايزين حضرتك بكره عندك تصوير في مسلسل كذا بس هتدفع عشره في الميه للكاستينج دايريكتور..كان هيجيلي جلطه بعد ماقفلت المكالمه ووافقت علشان انا محتاج اشتغل ومحتاج فلوس..وماقدرتش استوعب الفكره بصراحه اني بعد العمر ده مضطر ادفع علشان اشتغل فاتصلت واعتذرت…وده الحال حاليا ان الامور بقت في ايد كاستينج دايريكتور..وده موقف من مواقف كتير مريت بيها لو حكيتها محتاجه كتاب مش بوست عالفيس فطالما الشغل بقي لازم يتدفعله..وطالما الشغل بقي بالشحاته..يبقي بلاش احسن.

وقال شريف: انا طول عمري راضي الحمد لله..بس حقيقي انا وصلت لمرحلة اكتئاب وصلتني اني بقيت بنام احلم بكابوس اني بقتل عيالي وبقتل نفسي لأني وصلت لمرحله نفسيه وماديه اني بقيت مش قادر اربيهم ولا اصرف عليهم وانا عندي تلات اطفال بعبدهم عباده متخيلين حجم المسؤليه..وبقيت مديون لطوب الارض، حقيقي لو حد عنده فرصة سفر ليا هاكون شاكر ليه جداً وهيكون جميل في رقبتي لحد ما اموت لأن حقيقي انا مش قادر اعيش في البلد دي تاني انا حاولت اسعي في اي مجال تاني بس ماقدرتش وحقيقي لو اتعرض عليا بطولات بعد البوست ده هرفضها لان البوست ده هو نهاية علاقتي بالمجال اللي اتربيت فيه ودرسته وعشت فيه كل تفاصيل حياتي والحمد لله علي كل شئ.

واختتم إدريس كلامه: همسح ابلكيشن فيسبوك من تليفوني لاني هنزل ابيع تليفوني اصلا..فانا هاكون متاح اونلاين لحد بالليل..لو حد عنده فرصة شغل وسفر ليا ومش معاه رقمي ياريت يجيبه من اي حد وملحوظه:انا مش محتاج طبطبه من حد انا محتاج فرصة سفر وشغل تخليني اعيش ولادي حياه كريمه وبس شكرا ليكم محبتي للجميع هاين عليا اقوم ارمي نفسي من البلكونه بعد ماوصلت اني اكتب البوست ده.

 انضمام هشام نزيه ثالث مصري بمسلسل Moon Knight

يشارك الموسيقار هشام نزيه، في تأليف الموسيقى التصويرية الأصلية لمسلسل  Moon Knight، المقرر عرضه عبر منصة ديزني بلس الرقمية وذلك يوم 30 مارس الجاري.

وأعلن الموسيقار هشام نزيه بمشاركته بموسيقاه التصويرية في جزء كبير من العرض الدرامي لمارفل ولكن لم يتم الكشف إذا كان سيضع الموسيقى التصويرية لكل الحلقات أم بعضها.

ويأتي ذلك العمل بعدما قدم هشام نزيه على مدار مسيرته الفنية مجموعة كبيرة من الأعمال الموسيقية الشهيرة لعدة أفلام ومناسبات مثل فيلم إبراهيم الأبيض، وفيلم الفيل الأزرق وتيتو.