أول رد من أميرة العادلي

ردت النائبة أميرة العادلي، عضو مجلس النواب، عن تنسيقية شباب الأحزاب والسياسيين، على انتشار صورة لها على مواقع التواصل الاجتماعي، أثناء تدخين سيجارة بمدرجات تشجيع المنتخب المصري ونظيره الكاميروني ضمن منافسات كأس الأمم الأفريقية التي تقام بالعاصمة الكاميرونية ياوندي. 

وأضافت العادلي، على صفحتها الرسمية على موقع التواصل الاجتماعي فيسبوك، "طيب عشان نخلص من القصة والرسايل الكتيري...ايوة دي صورتي ..ومش مضايقة ولا مهتمة بالموضوع .

وتابعت عضو مجلس النواب، "انا بشرب سجاير ومن سنين بطت اعدها ومش مخبيه ده اصلا..ومش هاابطل السجاير واكون انسان جديد عشان انا بحب أدخن..عادة صحية سيئة بس بحبها ..زي اللي بيحب الأكل الدسم كده بيتخن وغلط علي الصحة بس بيحبه".

 وقالت النائبة أميرة العادلي،"ببساطة مواطن مصري زملكاوي بيشجع كورة من الطفوله وبيحضر ماتشات فريقه ومنتخب بلده ديما في الدرجة التالته مش المقصورة ولا الدرجة الأولي..بيفرح ويعيط ويتعصب ويزعق ويطنط ويهتف ويغني و بيأكل ويشرب ويدخن سجابر عادي جدا"

واوضحت العادلي"ومعلوماتي إن علب السجاير مكتوب عليها لا تباع لأقل من 18سنة...بغض النظر عن نوعه أو شغلنته أو ديانته".

 وأكلمت،"والتدخين ضار جدا بالصحة ومانصحش حد يدخن ..غير كده.. انا بدخن و بحب أدخن ..وانا حرة في عالم حر".  

واختتمت عضو مجلس النواب،" فا نفكنا بقي من الكلام الاهبل ده ..ونشجع منتخبنا يوم الأحد وإن شاء الله الأبطال يرجعوا بالتامنه ويفرحوا مصر كلها".