«بحب منى زكي وبشوف انها موهوبة».. 10 تصريحات من مديحة حمدي في ندوة تحيا مصر (فيديو)

غابت الفنانة القديرة مديحة حمدي عن الفن لفترة تصل إلى 7 سنين، وبعد قرار عودتها للفن مرة أخرى، جاء أحدث ظهور لها كضيفة في استوديو موقع “تحيا مصر”، وحاورتها دينا دهب رئيس قسم الفن بالموقع، لتكشف لنا عن أسباب أبتعادها عن الفن وعن بعض تفاصيل حياتها التي لم تصرح بها من قبل.

ويرصد لكم موقع تحيا مصرأبرز 10 تصريح للفنانة مديحة حمدي وذلك خلال السطور القادمة.

أبرز 10 تصريحات للفنانة مديحة حمدي في ندوة تحيا مصر

- سبب اعتزالي تعب زوجي رحمة الله، وكنا مخبيين على زوجي نوع المرض لحد ما توفاه الله، فقولتله اشتغلت كتير وسنين طويلة فحان الوقت إني اقعد اتفرغ لحياة اسرية واقعد معاك اكتر، ولاقيته مرحب وده واجبي كزوجة. والاعتزال استثنيت فيه المسلسلات الاذاعية الرمضانية الدينية، وفي حاجة في رمضان هتكون اجتماعية.  

- عملت امسيات دينية من انشاد والحان الدكتور أحمد الكحلاوي مداح الرسول وكانت من تأليف سراج الدين عبد القادر.

- سبب رجوعي إن عندي فراغ وزوجت اولاي وخلفوا واستقروا، وحسيت إني قطعة إكسسوار قاعدة في البيت، والتليفون بيسد الفراغات لكن بيبقى الليل طويل والنهار طويل.

- طبيعة زوجي كرجل شرطة خلاني بيتوتية شوية وليا نظام في الحياة العائلية ومدخلش بيتي غير واحد أو اتنين من الفنانين.

- ولادي وأحفادي وأهلي مبسوطين ان وقت فراغي هستغله وشايفين ان كله محاسن بشرط مجيش على صحتي.

- مؤمنة بمقولة للحفيد فرحتان فرحة عن القدوم وفرحة عند النزول لكن هما غاليين.

- السينما مش اول مرة تمر بأزمات العُري وحصل قبل كده في السبيعنات والتمانينات،بس كل بلد ليها التوب بتاعها واللبس بتاعها ده شئ وده شئ، المهم في كل ده النهايات.

- ربنا دخلني على الدين برفق لحد ماحسيت اني عايزة أتحجب 22 رمضان 1992،دخلت لزوجي وقولتله انا هتحجب قالي موافق بس مش هسمحلك تقلعيه، قولتله هكلم شيخ قالي توكلي على الله عشان ماهو حرام حرام وما هو حلال حلال اعملي الحلال وراعي بيتك ودينك وأولادك.  

- بحب إياد نصار جدًا ومنى ذكي ومنه شلبي وياسمين عبدالعزيز ومحمد فراج وأمينة خليل، اي عمل ليهم بحب اتفرج عليه.

- كنت حريصة اني اسمع في مكارم الاخلاق واقرأ فيها وعشان انا ساكنة في الهرم العمرانية فيها نساء أميات كتير مش على قدر من العلم، فكنت حابة اني اقرا كتب للغزالي وللمعاصر والخصها في نقط ولو حضرت درس لعالم من العلماء بعملهم في نقط واقولهم. وشايفة دلوقتي إن في إكتفاء بسبب التلفزيون بقى فيه برامج كتير والسوشيال ميديا، المشاهدة والاستماع بيلعبوا دور كبير.

نصائح مديحة حمدي لتخطي الإصابة بفيروس أوميكرون

وكان الفنانة مديحة حمدي تعافت من فيروس أوميكرون مؤخرًا وكشف عن أعراضه: ««عرض خفيف ومنتشر في الجو، مش شرط يكون بيجي مباشرة من فرد لفرد، لكن الحاجة الوحيدة اللي اللي بيعملها هو الإرهاق الجسماني».

واستكملت حديثها بشأن الاجراءات الوقائية لتخطي الإصابة بالفيروس: ««يفضل العزلة، والراحة، ومفيش مثلجات، والغذاء يكون عن طريق الاكل المسلوق».

مديحة حمدي تكشف أصعب مراحل الإصابة بفيروس كورونا

واختتمت مديحة حمدي، حديثها لتحيا مصر، كاشفة عن أصعب أيامها مع فيروس كورونا المستجد، فقالت: «أنا شفيت من الفيروس، لكن مقدرش أخرج لسة لأني جسمي مرهق، انا عديت اليوم ال15، وكانت أصعب أيام ليه في الفيروس 7,8,9».