افتتح الدولي المصري أحمد حسن كوكا مهاجم، فريق قونيا سبور التركي، هجوم قوى على أحمد حسام ميدون لاعب الزمالك السابق.

ويرصد تحيا مصر التفاصيل:

انتقد ميدو البرتغالي كارلوس كيروش المدير الفني لمنتخب مصر، بعد استبعاد أحمد حسن كوكا من قائمة المنتخب الوطني في بطولة كأس أمم أفريقيا 2021 بالكاميرون.

ميدو يسخر من كوكا

وغرد ميدو على تطبيق حسابه الرسمي على تويتر، بهجوم قوى على كيروش المدير الفني للمنتخب، بسبب استبعاد احمد حسن كوكا.

وقال ميدو في تغريدته: "مهاجم متواضع لا يصلح للمستوى الدولي حتى ولو أحرز 1000 هدف".

أحمد حسن كوكا يرد على ميدو

كوكا على تغريدة ميدو قائلا: "مهاجم متواضع؟ أولا هو أنت أصلا مين طلب رأيك؟ ثانيا أنت مبطل كورة وأنت عندك 29 سنة وكل الناس عارفة ليه، ثالثا لو رقم الأهداف اللي أنا جايبه شايفه قليل ماجبتوش أنت ليه؟ مع أن اللي بيلعب في نادي أكبر فرصه بتكون أكتر في التسجيل".

وأضاف: "رابعا حاولت تبقي مدرب ومبتكملش شهر في أي ناد، خامسا بتحاول تبقي إعلامي وتتكلم عن ده وده عشان تبقي تريند بأي شكل، أي حاجة عايز تدخل فيها، ده حتى صلاح في أول مشواره كنت بتتكلم عليه وحش، الحقد عالي أوي عندك من زمان وأنت بتتكلم وحش عني".

عبد الصمد الزلزولي يرفض المشاركة مع منتخب المغرب بأمم أفريقيا 2021

وأتم كوكا قائلا: "أنا عارف أن أكبر غلط اني أرد عليك وأنت فاضي وعندك برنامج تتكلم فيه كل يوم، بس أنا برده مش هيهدني كلامك وهفضل في طريقي، مركز في مستقبلي ومش عايز حاجه من الناس بعد مبطل كوره وبعد لما أموت غير السيرة الحلوة".

وعاد ميدو ليرد على تغريدات كوكا قائلا: "عمري ما رحت المنتخب علشان مناسب حد مهم، أنت عارف كويس أنت كنت بتروح المنتخب ليه، رد في الملعب حاول تروح المنتخب، أنت لاعب تعبان وكل مؤهلاتك نسبك، وأنت عارف كويس".