«زوجي مدمن وبلطجي».. سمية في دعوى خلع بمحكمة الأسرة عين شمس

«زوجي مدمن مخدرات وبيبلطج على الناس في الشارع».. بهذة الكلمات رفعت ربة منزل تدعى «سمية» 25 عامًا، دعوى خلع ضد زوجها «سامح»، 32 عامًا، أمام محكمة الأسرة عين شمس.

تحيا مصر يرصد في السطور التاية حكاية زوجة داخل محكمة الأسرة عين شمس

متجوزة بقالي سنتين

روت الزوجة لـمراسلة «تحيا مصر»: «متجوزة بقالي سنتين، زواج صالونات، شافني وجه اتقدم ليا على طول، وسألنا عليه وطلع كويس، بعد فترة من الخطوبة تم الزفاف، كان بيعاملني كويس أوي وحب وطيبة طول فترة شهر العسل، بعد كدا رجعنا عش الزوجية، لاقيته اتغير نهائي وساب شغله وقالي بسبب مشاكل مع المدير، فمشيت، بدأ بعد الناس تشتكيلي والجيران علة زوجي وانه بيثبت عيالهم وازواجهم في الشارع ويأخد منهم الفلوس».

بيثبت الناس بالمطواة في الشارع

وأشارت الزوجة في دعواها أمام محكمة الأسرة عين شمس : «بيثبت الناس في الشارع بسلاح ابيض مطواه، أنا متخيلتش في يوم إني زوجي يعمل كدة ده كان ابن ناس  وكويس ، بس هنعمل اية اصحاب السوء هما السبب، بس قلب مرة واحدة وبقا شرير ومش كويس وعلى طول بيتخانق معايا على أى سبب، واكتشفت في يوم دخلت عليه الأوضة بالصدفة لاقيته جايب مخدرات الشقة، وبيشرب مخدرات وحشيش وقالب الشقة دخان ، وأنا مقدرتش استحمل المنظر دة، حسيت إني مع واحد  تانى مش جوزي الطيب المحترم».

زوجي بلطجي

وأختمت الزوجة في دعواها أمام محكمة الأسرة : «أنا كنت نفسي أعيش في سلام وحب زي البنات، وأعيش في أمان وأجيب أطفال، بسبب للأسف كل حاجة راحت، وفرحتى اتكسرت، أنا عايشة أيام كلها هم وحزن ووجع قلب وصوتنا العالى أمام الجيران، وكلام الناس  أني زوجي بلطجي وانتي ازاي متجوزة واحدة زي دا، مبقتش قادرة أستحمل أكمل معاه، وطول الوقت عايشة في دوامة، فلجأت إلي محكمة الأسرة عين شمس لرفع دعوى خلع ضده».