«سرقت ابني وفلوسي وهربت ».. خالد في دعوى نشوز ضد زوجته أمام محكمة الأسرة مصر الجديدة

«سرقت ابني و300 ألف جنيه ومشيت».. بهذة الكلمات رفع زوج دعوى نشوز أمام محكمة بمصر الجديدة يدعى «خالد»صاحب الـ 34 عامًا ضد زوجته «علياء.أ» صاحبة الـ27 عامًا، بعد زواج 4 سنوات، وطلب بإعادة ابنه وفلوسه، بعدما تركت المنزل وسرقت كل شىء وهربت.

تحيا مصر يرصد في السطور التالية الحكاية الكاملة لدعوى نشوز داخل محكمة الأسرة مصر الجديدة

كنت بحلم بعزوة 

وقال الزوج في دعواه أمام محكمة الأسرة مصر الجديدة:«متزوج بقالي 4 سنوات، من قربتي، كانت طيبة وأهلي كانوا مصممين إني اتجوز واحدة من نفس العيلة، فوافقت وخلاص، وقولت عشان ابني البيت اللي بحلم بيه ويبقا عندي عزوة زي والدي، وأنا قولت ليها على ظروف شغلي هسافر كل 3 شهور السعودية عشان أنا بشتغل هناك وزوجتي رحبت بالفكرة ووافقت».

شهرين عسل

وأكمل الزوج :«تم الزفاف، وقضينا شهرين عسل وبعد كدة سافرت، وفي يوم اتصلت بيا وكانت فرحانة وقالتلي انها حامل فرحت أوي بخبر الحمل، وقولت لازم أسافر وأروح ليها نزلت فعلا وقعدت معاها شهرين من فترة الحمل، وقبل ما أسافر كنت سايب في الشقة مبلغ 300 ألف جنيه، وقولت ليها على فلوس وقولتلها دول هيقدوا معاكي لمدة 20 سنة، قالتلي أنا مش عايزة حاجة ومش هحتاج حاجة كفاية فلوس اللي بتبعتها كل شهر وسبتهم ومشيت».

هربت ومعرفش حاجة عنها 

واختتم صاحب الدعوى:« وجالى اتصال منها علشان تبلغني بأن البيبى جه وصورته ليا وبعتت الصورة ، وأنا كنت فرحان جدًا إني بقيت أب ، بس ظروف شغلي مسمحتش إني أنزل إليها، وقولت ليها كمان 30 يوم هنزل مصر، وطول الفترة وانا في السعودية كانت بتتصل بيا وتبعت كل يوم صورة للطفل، وعملت ليها مفاجأة ونزلت من السفر ولما ذهبت إلى عش الزوجية، لقيتها على البلاط ولا عفش ولا زوجة ولا الفلوس، وفضلت أدور عليها ملقتهاش حتى أهلها ميعرفوش حاجة عنها، ومكنتش عارف أعمل اية فجالي حالة من الحزن علشان مش عارف هى عملت ليه كدا ولية خطفت أبنى وهربت وأنا كنت مخليها ملكة، فلجأت إلى محكمة الأسرة ورفعت دعوى نشوز »