انهيار وبكاء والدة خريج تجارة الدقهلية.. وتكشف تفاصيل مقتله «فيديو»

تودع محافظة الدقهلية المهندس الشهيد محمد محمود عطية الذي توفى أثناء احتفاله بتخرجه بعد إطلاق النيران من بعض البلطجية فى قرية ترعة غنيم شربين بالدقهلية، ليخيم الحزن على أهل القرية بالأكمل ويرصد تحيا مصر تفاصيل الواقعة. 

المهندس الشهيد محمد محمود عطية الذي كان ضحية لبعض البلطجية أثناء إطلاق النيران الطائش ولم يستطع إستكمال الاحتفال بالتخرج هذا العام من كلية تجارة إنجلش جامعة المنصورة بسبب النيران الطائشة من بعض الخارجين عن القانون.

محافظة الدقهلية تودع شبابها في أسبوع 

وقال والد محمد محمود لموقع تحيا مصر فى بداية حديثه " محمد طول عمره هادى ومتفوق ومؤدب ومش بيزعل حد منه ومحمد كان طالب عنده طموحات وأحلام عايز يحققها فى الدنيا بس كانت البلطجية السبب فى موته ودفع ثمن غلطة مش غلطته ولازم ابني ياخد حقه وبناشد الرئيس السيسي أنه يجيب حق ابني نور عنيا اللى ضاع منى وبطالب أن اللى قتلوا ابني يخدوا إعدام أنا عايز حق محمد". 

انهيار وبكاء والدة خريج تجارة الدقهلية.. وتكشف تفاصيل مقتله «فيديو»

واستكمل والد محمد محمود حديثه وقال " حرام ابني يموت والبلطجية عايشة فى الدنيا كده يبقي الدنيا ماشية بالمقلوب أنا عايز الدنيا كلها تتحرك عايز القصاص العاجل لحق محمد". 

وقالت والدة محمد محمود لموقع تحيا مصر فى بداية حديثها " أنا اللى صبرني على فراق ابني أن كل الناس كانت عايزة تجيب حق ابني غريب وقريب وجالي اتصالات من آخر الدنيا ومن السعودية ومن دول تانية واتعمل لابني بعد وفاته ٣ عمرات وده بيدل على محبة الناس لمحمد الدنيا كلها بتحبه لاحترامه".

والدة خريج تجارة الدقهلية تكشف تفاصيل مقتله 

وتابعت: " كان بيشارك فى العمل الخيري وبيحاول يساعد كل الناس ومحمد كان بيشارك معايا فى تنظيف البلد وحملات تطوعية كتير وكان دراسيًا متفوق ومجتهد من ابتدائى للكلية وأى مكان بيشارك فيه دائمًا كان بيترك بصمته واجتهاده فى المكان ده والناس تشهد بكده وكانت جنازته فيها ناس كتير أوي بتحب محمد وزعلت علشانه وأنا مش بطالب غير بحق محمد بالقانون علشان مفيش أم يتكسر قلبها زى ما قلبي اتكسر". 

واستكملت الأم حديثها عن محمد وقالت " ست موتسكلات بيضربوا نار برشاشات بشكل عشوائي على كل الناس وشبابنا وولدنا وابني كان لسا متخرج وبيستعد علشان الجيش بس اللى مصبرني على ده كله حب الناس لمحمد ووقفتهم معانا".