«عاوزني اخطبله بنت خالي»..زوجة في دعوي خلع أمام محكمة الأسرة بمصر الجديدة

«عاوزني اخطب ليه بنت خالي».. بهذة الكلمات رفعت ربة منزل «مني» 30 سنة، دعوي خلع ضد جوزها «خيري»36 سنة أمام محكمة الأسرة بمصر الجديدة.

تحيا مصر يرصد في السطور التالية تفاصيل حكاية داخل محكمة الأسرة

جواز صالونات

روت الزوجة لـمراسلة «تحيا مصر»: «متجوزة بقالي 5 سنوات، جواز صالونات،كنا جيران،وعندي 3 أطفال،عايشين في هدوء زي أي أسرة من غير مشاكل، وكنت بعمل ما بوسعي لإسعاده وأرضائه».

وأشارت الزوجة في تصريح خاص لـ  «لتحيا مصر» : «في مره كنت عازمة أهلي على عشاء وكانت بينت خالتي موجودة،أول لما شافها أنبهر بيها وبجمالها لصغرها في سن ،شوفته في عينه نظرة الأعجاب بيها ولطافة وبدء يضحك على كل حاجة تقولها، ومبسوط وكل يوم يقولي ماتعزمي أهلك تاني ».

لاحظت على جوزي الخيانة

وأضافت الزوجة لـ «تحيا مصر»: « لاحظت على جوزي الخيانة ودخل الشك إلى قلبي ولم أجد الحل إلا بمواجهته بالمشاكل التي تحدث بينا وسبب خلافات، مردش عليا وساب البيت ونزل، بدء يزعق على أتفه الأساب، ويزعق لأولاده ومبقش طايقهم».

وأختمت الزوجة لـ «تحيا مصر» : «لحد ما في مرة شوفته بيضحك في التليفون، وبيكلم حد فقولتله بتكلم مين، قالي بكلم بنت خالك ، وعايزك تخطبهالي عشان عجباني جدًا ،مقدرتش استحمل اكتر من كدة وسبت البيت ومشيت، فلجأت الي محكمة الأسرة بمصر الجديدة لرفع دعوي خلع ضده».