والد سعد مريض السرطان : «اللي بيحصل في الزمالك ذنب ابني»

أعرب والد سعد محمد ناشيء الزمالك المريض بالسرطان، عن اسفه لما يحدث مع نجله من تجاهل لمصاريف علاجه، كما وعده البعض من لاعبي الكرة، وإدارة نادي الزمالك، مما أوصله لحالة عدم القدرة على علاج ابنه .

سعد محمد كان يلعب في فريق ناشئي الزمالك 2000، وفي فبراير قبل الماضي، شغلت قضيته الرأي العام كله، بعدما ظهر عبر قناة نادي الزمالك، وأعلن عن إصابته بسرطان الدم، ووقتها وعده نادي الزمالك بتكفل جميع مصاريف علاجه .

ووجه والد سعد رسالة للمجتمع المصري  منذ قليل قال فيها : “ السلام عليكم ورحمه الله وبركاته اخى الكريم بالله عليك تقراء رسالتى دى للناس علشان تعرف أنه ممكن ذنب شخص يهدم دوله مش اشخاص ولا منظومه، في البدايه أنا والد سعد محمد مريض السرطان وانا حاليا مش قادر  اجي من سوهاج واروح القاهره أعطى جرعه لسعد والسبب قلة الإمكانيات” .

وتابع : “ بداية الأزمة لما جت كورونا ومحدش يعرف عننا حاجه رحت كذا مره وخدت وعود ومواعيد لحد ما تواصلت مع احمد مرتضى والكابتن اسماعيل يوسف والراجل عمل اللى يقدر عليه اعطانى مبلغ من النادى كمنحه وخصص مبلغ شهرى لسعد” .

وأكمل : “ رحل مجلس الاداره وجاء مجلس آخر أنا لا الوم أحد لأنها لجنه بالتعيين ولكن وعدونا وحتى الآن لم يجد جديد، كل شهر بعانى علشان اخد المبلغ المخصص له وللعلم المبلغ ده يا دوب يودنى مره او أخرى القاهره علشان أنا بروح اعطيه جرعه كل اسبوع ، وللاسف كل الناس ف مصر بتوع كلام وتصوير وتريند ولقطه  ولا أفعال، أنا والحمد لا اقبل مساعده من حد بس لو ده ابن لاعب معروف مش كان زمانه بره مصر ف اى دوله وخلص علاج “ .

وأضاف : “ طبعا حضرتك هتقولى كل الناس كلمت سعد ودعمته اقولك كله كلام فارغ الكل عايز ياخداللقطه وبس  اهى وعود وكلام فاضى وللاسف الشديد أنا مش قادر اطلع ولا أقول اى حاجه لانى صعيدى ولا اقبل مساعده غير من النادى وطبعا سعد بيناشد وزير الرياضه بس هو مش فاضى لينا، واخيرا ذهبت أنا وسعد للاداره الحاليه طبعا خدنا وعود وأتصور معاهم و لا حياه لمن تنادى اخيرا اخى الكريم أنا حابب اوصلك معلومه وهى أنه سعد بيتعالج على نفقه الدوله بس المشكله انه بروح اعطيه جرعه كل اسبوع وباخد سياره مخصوص من سوهاج للقاهرة عشان مناعة سعد ضعيفة وماينفعش اجي من سوهاج للقاهرة في الموصلات بسبب كورونا “ .

واختتم : “ سعد باقى ف علاجه اكتر من سنه وانا جبت أخرى الناس دى لو مش هتساعد تطلع وتقول سعد احنا غير مسؤولين عنه كده ابقى ارتحت وريحت بالى واتصرف زى ما بعت أرض ابيع تانى ولا مزله لا حد، وللعلم  يا اخى الكريم أذكرك تانى بسبب اهمال النادى لسعد شوف ايه اللى حصل في المنظومه بالكامل وفعلا هى حسبى الله ونعم الوكيل  تهدم بلاد واطان اخوكم ابو سعد محمد لاعب الزمالك المصاب بالسرطان “ .