إزاى تحمى خط أورنج من النصب.. هنا التفاصيل

وجهت أورنج رسالة إلى عملائها لحماية من النصب، لاسيما أن عملاء أورنج دائما مايكشون من استهلاك الرصيد أو وجود رسالة لايعرفون مصدرها تأتى إليهم على الخطوط وربما تكون وسيلة للنصب والاحتيال.

وقالت أورنج عبر صفحتها الرسمية على موقع "فيسبوك"، "علشان متكنش ضحية لمحاولات النصب عن طريق الموبايل، اورنج بتقولك ازاي ممكن تتفاداها".


وأضافت "لو جاتلك مكالمة إنك كسبت جائزة من أورنج متشاركش بياناتك الشخصية و انهي المكالمة و اتأكد من صحة المكالمة من أرقام خدمة العملاء 110 أو 250".

اقرأ أيضًا.. عروض أورنج على موبايل Samsung Galaxy M51

وتابعت "رسائل تحويل الرصيد لازم تكون مرسلة من أرقام شركة أورنج، ولو جاتلك رسالة من رقم عن تحويل رصيد بالغلط، اتصل بخدمة العملاء للتأكد، لو جتلك مكالمة دولية من رقم مجهول، مترجعش تكلمه لأن دي ممكن تكون محاولة نصب".