شريف منير في فيديو جديد مع بناته: "يجوز نكون نقطة التحول اللي هتحصل الفترة الجاية".. وهاخد حقي بالقانون

شريف منير: أي تنمر يحصلك خد اسكرين شوت وقدم بلاغ
لازم نحط حدود للناس اللي بتحددلنا حياتنا.. لا للسفالة والقذارة

خرج الفنان شريف منير، مع بناته "فريدة وكاميليا" فى مقطع فيديو جديد عبر حسابه الشخصى بموقع الصور إنستجرام، ليعلق على صورة بناته التي أثارت جدلًا كبيرًا وتعرضت بناته بسببها للتنمر.

وقال الفنان شريف منير خلال الفيديو: "دول المذنبين، دول المتهمين، إلى عملوا المصيبة، إلى اذوا الناس، إلى اذوا الدين، لان الناس إلى شتمونى ملائكة، بيكلمونى بالدين، البينتين الكبار أوى دول هما إلى اذوا الدنيا كلها، عموما بشكر كل الناس إلى وقفت جنبى، ودعمتنى ودعم أولادى".

وأضاف، "أنا بطلب من الناس إن يبقى فى وقفة قوية، يجوز اننا كنا نقطة تحول، لازم كلنا نبقى ايد واحدة، أى أذى يجيلك، أو أى تنمر يحصلك، متسكتوش، اعملوا بلاغ، الاهتمام غير طبيعى من السيد النائب العام، والناس فارق معاها جدا جدا، وعاوزين يساعدوا جدا جدا، لازم نحط حدود للناس الى بتمشيلنا حياتنا".

اقرأ أيضًا.. أسما شريف منير ترد على التنمر من شقيقاتها

وتابع شريف منير: "دول بناتى إلى اتهانوا واتجرحوا علشان كنت فرحان بيهم، فا خدت على دماغى جامد، بس الرد هيبقي جامد أوي".

بينما وجهت ابنته فريدة رسالة قائلة: "عاوزة أقول إن أنا اتهانت وأتاذيت وعاوزة حقى وحقى هيرجعلى إن شاء الله"، وقالت ابنته كاميليا: "ناس كتير شتمنى وشتمت ببايا، وأنا مبحبش حد يشتم بابا، وأنا عاوزة أخد حقي"، ليتختتم منير قائلاً: "وأى حد يتعرض لأذى أو إهانة هيجيله حقة لحد عنده، لإن احنا فى دولة قانون".

وتعرض الفنان شريف منير للتنمر من قبل الجمهور، وذلك بعد الصورة التي نشرها لإبنتيه كاميليا وفريدة عبر حسابه الرسمي على موقع تبادل الصور والفيديوهات الشهير "انستجرام"، إلا أن تلك الأزمة لازالت مستمرة حتى الآن.

وجه أحد المتابعين تعبيرات خارجة للفتاتين، في تعليقه على الصورة، فانفعل شريف منير وأقسم بمقاضاته، معلقًا: "عملت سكرين شوت لتعليقك.. وبكرا محضر في مباحث الإنترنت، ولو وطيت تبوس جزمتي مش هسامحك.. وهسجنك والأيام بيننا.. هخليك عبرة لكل السفلة اللي زيك.. وحياة أمك لاحبسك وصورتك هتنزل متكلبش".