وزير النقل للمواطنين:أنا مش واخد منك الأجرة أحطها فى جيبى

اعلن الفريق مهندس، كامل الوزير، وزير النقل، عن خطة الوزارة لرفع كفاءة الطرق ومنظومة السكة الحديد خاصة مع تطبيق الغرامات لدفع تذاكر القطارات، قائلا :"أنا مش واخد منك الأجرة أحطها فى جيبى لكن علشان أخدمك.. علشان أخدمك ساعدنى وادفع ثمن التذكرة ولا تخالف.. متشربش سجائر فى القطر ولا تسطح فوقه ولا تعدى من المزلقان اثناء سير القطار".

وأكد وزير النقل، خلال مداخلة هاتفية ببرنامج "الحكاية"، مع الإعلامى عمرو أديب، قائلا : "استحملونا لحد ما ننزل القطارات الجديدة مش هنلاقى واحد واقف فى أى قطار".

كما كشف الوزير:" ننفق الآن ما يقارب الـ 86 مليار جنيه على تطوير السكة الحديد، ما بين  بنية أساسية وتأهيل، وإنفاق على المحطات والمزلقانات والإشارات وتطوير الورش، والعام المقبل سنطالب التصديق على 55 مليار جنيه لمشروعات أخرى ستبدأ فى 1 يوليو 2020، ليكون الإجمالى 141 مليار جنيه خلال عامين".

وحول تطوير الطريق الدائري، أكد : لن أترك الطريق الدائرى يقهرنى.. أنا أخدت اعتمادات مالية لتطويره، وهنصرف عليه خلال عامين ماليين 4.5 مليار جنيه، وإن شاء الله هنخليه طريق آمن يحافظ على حياة كل المصريين.