بالصور.. حملة ما تعبرهاش لـ تطنيش البنت المصرية

أطلق الشباب على موقع التواصل الإجتماعى "فيس بوك" حملة ماتعبرهاش لتطنيش البنت المصرية وتقوم الحملة على منع المعاكسات والتحرش حيث كتب منظم الحملة على الصفحة الرسمية لها قائلاً "هذا المنشور لفئه معينه من البنات اللي بتنزل من بيتها عشان كده، وقفت قدام المرايا بالساعتين .. ظبتت الميك اب ولبست الطقم المفضل ليها اه طويل ومغطي كل جسمها بس مخلي مفاتنها بارزه .. أنثي بقي وعلي قد ماتقدر بتظهر أنوثتها . نزلت الشارع وماشيه عشان تطلع ع الشارع العمومي .. شافت شباب المنطقه اللي واقفين ع الناصيه اللي كل مره يبوصلها من فوق لتحت ومنهم اللي بيعلي صوته لما تعدي من جمبهم .. قالت ييي العيال دي بقي مش هنخلص منهم .. وحصلت حاجه خلتها استغربت .. لما عدت ولا واحد فيهم بصلها رغم انهم شافوها جايه وبيتكلمو سوا طبيعي ومش مهتمين انها معديه .. قالت احسن برضه دي عيال ولا تسوي ..
ووقفت الميكروباص وركبت جمب واد موز حاطط بيرفيوم جامده بس هو باصص من الشباك ولا مهتم انها جمبه ولما ركبتها خبطت في ركبته لاحظت انه بعدها عنها قالتله لو سمحت هو الميكروباص ده بيعدي علي المترو ؟ هي عارفه بس بتجر كلام
قالها اه قالتلو طيب ممكن لما نوصل تقولي ؟ راح قال للسواق نزلها عند محطه المترو ياسطا وحد الهاندفري في ودنه وبص من الشباك .. قالت في نفسها هو ماله ده ازاي مش عاكسني او حاول يكلمني مع اني بدأت معاه كلام ؟ يكون لبسي مش عاجبه او شكلي ؟ تلاقيه معقد أصلا ..
راحت محطه المترو لقت المترو واقف .. جريت ركبت في العربيه المختلطه عشان ملحقتش عربيه الستات .. وقفت في نص العربيه الزحمه لقت واحد جي عليها اكيد هيعدي من وراها ملهاش حل تاني اشمئزت في نفسها ودورت علي مخرج تعديه بيه من غير مايلمسها ملقتش .. وصل الشاب عندها وقالها بعد اذنك ممكن اعدي ؟
اتوترت أكتر ماهي لازم تعديه وفي نفس الوقت قالتله عدي من غير ماتفكر واللي يحصل يحصل .. عدي الشاب من وراها من غير مايلمسها ولو من غير قصد، كانت متأكده انه كان واخد باله عشان ميلمسهاش حاولت تقوله انت راجل مبصلهاش ونزل محطته ..نزلت راحت الكورس وقال المدرس علي حاجه وشاب رد عليه بأفيه مضحك كله ضحك لكن ضحكتها كانت اعلي ورمت بعديه افيه يمشي مع افيه الولد بس محدش ضحك ولا أكنها قالت حاجه ازازه سفن فاضيه قاعده في الكورس ..روحت بيتها مفيش ولد بصلها بصت أعجاب . مفيش ولد قالها كلمه حلوه عن لبسها او عن جمالها . مفيش حتي ولد بين انه مهتم بيها في المواصلات . مفيش ولد كيف دماغها بأي شكل .. انهارت المسكينه في العياط مقتنه أنها وحشه وان مفيش ولد معبرها .. غلبانه فاكره ان العيب فيها وأن الولاد مش معبرنها .. متعبرفش أن الولاد مش بيعبروا أي كائن أنثوي في الشارع .وانهم قررو يرجعو كرامه الشاب المحترم انه ميتاخدش بذنب أي عيل متحرش وأن برضاها أو غصب عنها في شباب رجاله مش زي مابتقول كلكو زي بعض متعرفش ان كل واحد قرر يتحدي نفسه ويمسك عينه ولسانه او حتي احساسه تجاه أي بنت ميعرفهاش قرر أن اي بنت محترمه أو شمال أو حتي بتتسهوك عليه ميبصلهاش ،أصله كان كاتب ستاتيوس علي الفيس قبل ماينزل من كلمه وحده ‫#‏متعبرهاش.