يوسف الشريف عن محمد صلاح: أسطورة استثنائية.. وهنفضل نشجعه في خطوته الجاية
أعرب الفنان يوسف الشريف عن إعجابه الكبير بالنجم المصري محمد صلاح، لاعب ليفربول الإنجليزي، مؤكدًا أنه يتحدث عنه هذه المرة بصفته متابعًا للدوري الإنجليزي الممتاز وليس كصديق أو كمصري، مشددًا على أن ما قدمه صلاح يجعله “أسطورة حقيقية بالأرقام قبل العاطفة”.
يوسف الشريف يشيد بمحمد صلاح
وقال يوسف الشريف في مقطع فيديو رصده موقع تحيا مصر: “أنا شهادتي مجروحة في محمد صلاح.. وأنا النهاردة اخترت أتكلم عن صلاح كواحد من متابعي الدوري الإنجليزي.. أنا مش هتكلم عن صلاح كصديق ومش هتكلم عنه كمصري، لأن محمد صلاح حدوتة مصرية كلنا بنفتخر بيها”.
وأضاف: “إحنا كمتابعين للدوري الإنجليزي هنفتقد محمد صلاح، وده مش كلام عاطفي ولا عشان أنا بحبه، ده كلام بالأرقام.. إحنا بنتكلم عن أسطورة”.
يوسف الشريف يسترجع ذكريات فيلم العالمي
واستعاد الشريف ذكريات فيلمه “العالمي”، مشيرًا إلى أنه كان يناقش فكرة صعود لاعب مصري من الحلم إلى الاحتراف في أوروبا، مؤكدًا أن الواقع فاق الخيال في تجربة محمد صلاح.
وأوضح: “في فيلم العالمي كنا بنتكلم عن رحلة صعود فيها حلم طفل مصري بيقول لوالده: أنا هدخل كأس العالم وبعدين ألعب في أوروبا وأحقق إنجازات.. والناس وقتها كانت شايفة إنه حلم جميل لكن صعب يتحقق”.
وتابع: “لكن محمد صلاح جه وحقق أكتر بكتير من اللي في الفيلم.. وده خلّى الحلم يتحول لحقيقة”.
يوسف الشريف عن محمد صلاح: فخر لكل عربي ومصري
واختتم يوسف الشريف تصريحاته قائلًا إن محمد صلاح يمثل فخرًا لكل مصري وعربي ولكرة القدم الإنجليزية أيضًا، مضيفًا: *“صلاح فخر لكل مصري وفخر للعرب وفخر للدوري الإنجليزي.. بالتوفيق في خطوتك الجاية، وإحنا دايمًا في ضهرك وبنشجعك في أي مكان تروحه”*.
جوجل نيوز
تطبيق نبض
