أسما شريف منير: لما بنيت حياتي على الصلاة الغضب بطل يسكن جوايا والتوتر خف

كشفت أسما شريف منير عن أهمية الصلاة بالنسبة لها، وكيف حولت حياتها من شخص غاضب ومتوتر بشكل دائم إلى شخص هاديء للغاية وتركيزه أكبر، وذلك في منشور على حسابها الرسمي بموقع تبادل الصور والفيديوهات انستجرام.

أسما شريف منير: لما بنيت حياتي على الصلاة اللخبطة راحت 

وقالت أسما شريف منير في منشورها الذي رصده موقع تحيا مصر منذ قليل: في ناس بتصحى كل يوم وبتحاول تصلح نفسها، بتاكل صح وبتحاول تفكر صح وبتقرأ عن الـ mindset والـ healing، وبرضه حاجة جواهم مش مرتاحة، مش لأنهم بيعملوا حاجة غلط، لأنهم بيبدأوا من المكان الغلط. لما بنيت حياتي على الصلاة، مش على المزاج ومش على الوقت ومش على الظروف، اللخبطة راحت، التوتر خفّ، الغضب بطل يسكن جوايا، والتركيز رجع.

وتابعت أسما شريف منير: مش لأني انا اتغيرت بنفسي، لأني بقيت بروح لحد بيغيرني. لما يومك بيتبني على خمس صلوات، بتبقى عندك خمس لحظات في اليوم بترجع فيها لنفسك قبل ما الدنيا تاخدك. الفجر بيبدأ يومك بالله قبل ما أي حاجة تانية تقدر تحدد مزاجك. الظهر بيكسر الضغط في نص اليوم لما كل حاجة بتتراكم، العصر بيفصل بين تعب النهار وراحة الليل. المغرب بيذكرك إن اليوم ده هيعدي بكل اللي فيه. والعشا بيخليك تنام وإنت مطمئن وعامل الصح. خمس مرات بتتفرغ، خمس مرات بتترتب، خمس مرات بتفتكر مين شايل الدنيا دي ومش إنت.

أسما شريف منير: الصلاة لو التزمت بيها كل حاجة في حياتك بتنظبط

واختتمت أسما شريف منير حديثها: الصلاة مش بس عبادة، هي النظام الوحيد اللي لو التزمت بيه، كل حاجة تانية في حياتك بتنضبط من غير ما تحاول. لو حاسس إن جواك تقيل، ابدأ من الصلاة مش من نفسك.

وسبق وكشفت أسما شريف منير عن أمنيتها، قائلة: أكبر أمنية عندي في الحياة مش إني أنجح، ومش إني أوصل، ومش إني أحقق كل اللي اشتغلت عليه.

أسما شريف منير: أكبر أمنية بالنسبالي إن ربنا يكتبلي حسن الخاتمة

أسما شريف منير: نفسي أروح لربنا وأنا ساجدة 

وأكدت أسما شريف منير في حديثها: من زمان وأنا بفكر إيه أحلى مكان يمكن يحصل فيه ده.، وأنا ساجدة أو داعية أو بأقرأ. إن ربنا يكتبلي ده في أقدس بقعة على وجه ارض. الدنيا دي مش الغاية، الغاية إن ربنا يكون راضي لما أقابله. وكل حاجة بناها، وكل حاجة اشتغلت عليها، وكل حاجة عشتها، أتمنى تكون كانت وسيلة أوصلتني ليه مكرمة، اللهم اختم لنا بالصالحات، واجعل خير أعمارنا آخرها، وخير أعمالنا خواتيمها.