في عيد ميلاد عادل إمام.. ياسمين عز: الزعيم كان في قايمة الاغتيالات وهاجم الإرهابيين بفنه

تحدثت الإعلامية ياسمين عز عن الزعيم عادل إمام بمناسبة عيده ميلاده، حيث كشفت عن تعرضه للتهديد من قبل الإرهابيين ووضعه في قائمة الاغتيالات.

عيد ميلاد الزعيم عادل إمام 

وقالت ياسمين عز خلال برنامجها كلام الناس الذي يرصده تحيا مصر و يعرض عبر قناة Mbc مصر: طول عمره ولا قال أنا الأفضل ولا رد على أي هجوم.. واسمه كان في قايمة الاغتيالات ومخافش من تهديدات الإرهابيين وهاجمهم بفنه.

في سياق مختلف، قالت ياسمين عز: قدمنا مزايا الزواج من الدكتور والمهندس وموظف البنك، بعدها جت لينا رسائل كتير من حبايبنا، واتقال لنا هو إحنا مالناش نفس تتكلمي عننا في حلقة ولا إيه، في الأول كنت لسه بشوف الوضع إيه، وطبعًا عندكم حق وليكم حق، وهنبدأ نتكلم عن ده، ده أنا لو ما اتكلمتش عنك هتكلم عن مين.

وتابعت: يا سعدك يا هناك يا فرعون لو اتجوزت مهندسة لأن فخامة الاسم تكفي، ومش هتكون محتاج حاجة من الدنيا، بنت على الفرازة وزي ما الكتاب بيقول، واوعى تصدق الشائعات المغرضة اللي بتكتب أن بنات هندسة مسترجلين ومش حلوين، دول ملكات جمال من نبت شعرهن لأخمصهن، وكل خطوة بحساب وكل قرار محسوب بالمازوة وحياتك معاها هتكون بالمسطرة.

وأضافت: هقول لك على ميزة رهيبة في المهندسة وهي أن حواجبها الاتنين قد بعض بالظبط والبنت المهندسة بتتعرف من حواجبها لأنهم بيكونوا مظبوطين وقد بعض بالملي في شكل متناسق انبهاري ويسر الناظرين.

واستطردت: لما ترتبط بمهندسة هدومك هتكون منظمة جدًا، والمشكلة بتاعة فين فردة الشراب مش موجودة عند الست المهندسة الفردتين مع بعض أيا كان لونهم إيه، والمفاجأة إن البنت اللي بتدرس هندسة حرفية بلاي ستيشن، لأن حياتها كلها كباري وتشميس وتكعيب وعرض وطول ومش بعيد تشيلك اسكور.

وأردفت: من أهم مميزات المهندسة إنها لما تيجي تعمل لك أكل مش هتلاقي صباع في ورق العنب مش قد التاني أو مش مظبوط وحلة المحشي مرصوصة رصة هندسية متكالمة الأضلاع والأبعاد، وطول ما أنت بتاكل هتقول لها الله ينور على شغل الفنادق والهندسة، يعني فول أوبشن.

بصورة مع تمثاله.. ليلى علوي تهنئ الزعيم عادل إمام بعيد ميلاده

في عيد ميلاد عادل إمام.. نضال الشافعي يكشف تفاصيل مقابلة الزعيم وروبرت دي نيرو

وأوضحت: الست المهندسة تعرف تتعامل مع أي راجل أو فرعون مهما كانت صفاته وحياته زوجة ناجحة بكل المنحنيات لأنها عرفت تتعامل مع السباك والنجار والمنجد فمعقول مش هتعرف تتعامل معاك أنت يا أبو كف رقيق وصغير.

وحذرت: إياك ثم إياك تنادي المهندسة حاف لأنها ما درستش وطلع عنيها علشان تقول اسمها حاف، لازم قبل اسمها تحط ميم شرطة أو تقول لها مهندسة فلانة.