نائب مدير مستشفى النجيلة يضع 14 نصيحة مهمة لتخطي أزمة كورونا

وضع الدكتور محمد علام، نائب مدير مستشفى النجيلة المركزي المخصصة لعزل الحالات المصابة بفيروس كورونا المستجد كوفيد 19، عددًا من النصائح المهمة والأساسيات التي يجب الإلتزام بها لتخطي أزمة وباء كورونا، موضحًا أنه كلام غير جديد ولكن أهم من الحديث عن علاجات وتجارب لن تفيد المواطنين.

نائب مدير مستشفى النجيلة يضع 14 نصيحة مهمة لتخطي أزمة كورونا
١- الحالة الايجابية اللى بتتعالج فى البيت أو المشتبه بها لازم تكون فى عزل عن أسرتها عزل تام
٢- المخالطين للحالات الايجابية لازم يعزلوا نفسهم على الأقل ١٠ ايام من تاريخ أخر مخالطة
٣- لو اكتشفت ان عندك الفيروس أو مشتبه بعد عمل التحاليل والأشعة قول للناس اللى اختلطت بيهم أخر أسبوع أو ١٠ أيام علشان يعزلوا نفسهم بدل ميعدوا غيرهم متتكسفش ومتخافش مش عار .
٤- المرض مش عار ولا حاجه تكسف علشان تتنمر او تهين المصاب او اهله
٥-مقدمى الخدمه الصحيه اكثر ناس بتتعب الفتره دى بلاش نييجى عليهم ونهينهم او نتعدى عليهم انهيارهم معناه انهيار المنظومه الصحيه ووفيات اكتر
٦- حتى الان مفيش علاج فعال ومناعه الجسم بتتعامل كويس فمفيش داعى لنشر امال كاذبه هتخلى الناس تهمل اكتر وتقول خلاص الحل قرب ننزل ونعيش
٧- الحل الوحيد الفعال هو التباعد المجتمعى واننا نخاف على بعض ونساعد بعض والالتزام بالكمامه والنزول فقط للضرورة
٨- لو انت مخالط ومعندكش اعراض مش محتاج علاج نهائى
٩- مفيش علاج للوقايه واى كلام عن ادويه بتقى من الاصابه غلط
١٠- الماسكات بكافه انواعها لو الناس كلها لبستها هيكون ليها دور مهم جدا حتى القماش لكن لو نص الناس ملبستش ماسكات فده خطر حتى على اللى لابس ماسك N95 فالحل نوعى بعض
١١- اللى بيوزع ماسكات فى المواصلات ويلمها تانى علشان مياخدش مخالفه مجرم
١٢- اللى بيديلك كمامه كان لابسها علشان تدخل مصلحه حكوميه مجرم
١٣- اللى بيتاجر بالادويه والتحاليل والاشعات والماسكات ويزود تمنها ده مجرم
١٤- اللى بيخزن ادويه كتيير فقط لانه سمع انها علاج ربنا هيحاسبه ومش هتفيده

اقرأ أيضًا.. الصحة تحذر المواطنين من استخدام الكمامة اكثر من مرة

وأضاف أن الحل في ايدينا هو التباعد الاجتماعي، وأن يكون الخروج من المنزل للضرورة مع ارتداء الكمامة وعمل عزل ايجابي وعزل المخالطين من الاخر الحل فى ايدينا تباعد مجتمعى نزول للضرورة ارتداء الكمامه وعزل الايجابى وعزل المخالطين وأن يخاف الناس على بعضهم البعض.

وكان الدكتور محمد علام نائب مدير مستشفى النجيلة أصيب بفيروس كورونا المستجد كوفيد 19 ضمن إصابات الفريق الطبي بالمستشفى التي بلغت 23 مصاب في أول أبريل الماضي، حيث نقلت مريضة تبلغ من العمر 65 عام العدوى لهم أثناء محاولة انقاذها وعمل انعاش قلبي رئوي لها.