القصة الكاملة.. لخناقة شقيق ياسمين عبد العزيز والفنان أحمد العوضي

أثارت الفنانة ياسمين عبد العزيز الجدل حول علاقتها بالفنان أحمد العوضي خلال الفترة القليلة الماضية، وذلك بعد انتشار عدد من الصور التي تجمعهم سويًا عبر مواقع السوشيال ميديا المختلفة، حتى تفاقمت الأزمة بعد نشر شقيق ياسمين عبد العزيز منشور يهاجم فيه اخته الفنانة ياسمين عبد العزيز.

تداول الكثير من رواد السوشيال ميديا المنشور الذي علق فيه شقيق الفنانة ياسمين عبد العزيز، بجانب الصورة التي نشرها كلًا من أحمد العوضي والفنانة ياسمين عبد العزيز، لتستمر حالة الجدل وتتحول إلى صراع.

وكانت البداية عند الفنان وائل عبد العزيز، شقيق الفنانة ياسمين عبد العزيز الذي انتقد علاقتها بالممثل الشاب أحمد العوضي، المثار الجدل على مواقع التواصل الاجتماعي، قائلاً " ده أصغر منك ب 10 سنين".

وذكر وائل عبد العزيز عبر صفحته الشخصية على موقع "فيس بوك"، "بصي يا ياسمين يا عبد العزيز يا أختي.. أنا معاكي وفي ضهرك من وانتي صغيرة، شيلت مشاكل كتيًر بسببك من وانتي عيلة صغيرة بداية من مشاكلك مع الشاعر وبرادة، وانتي عارفة إن أنا اتأذيت فيها ازاي، وقضية الشغالات مؤخرا غير قضية الضرب اللي كانت بينك وبين بنت هشام سليم الممثلة اللي لبستيها التورتة في وشها، ووقفت جمبك بكل ما أملك من قوة أدافع عنك في كل موقف صعب مر عليكي ونسيت حياتي ونفسي عشانك، وبقي كل همي أنا "ووالدتك" إنك تكبري وتبقي نجمة في مجالك، سيبنالك اختياراتك كلها لنفسك ووفقنالك على معظم قراراتك، وكنت الوحيد اللي ساندك ووقف جنبك في طلاقك، لكن هنهرتل وتروحي تعرفي واحد أصغر منك بـ10 سنين، لا من سنك وتتصوري صور مالهاش اَي لازمة علي حساب سمعتك وسمعتنا لا ومحدش هيسمح، من إمتي واحنا بنعمل أعياد ميلاد وتنزل علي السوشيال ميديا، من إمتي الناس بتجيب في سيرتنا !؟ ونقعد نتعاكس على السوشيال ميديا".

وقال شقيق ياسمين عبد العزيز: "ومع ذلك حياتك وانتي حرة فيها، أنا هتكلم على الشق اللي يخصني، انتي مقاطعة كل العيلة عشان تعملي اللي على مزاجك، احنا دلوقتي وعايزين نفهم العلاقة دي إيه ورايحة على فين".

واضاف: "أما بالنسبة للأخ اللي ماشي وراكي في كل حتة وشايفك البيضة الدهب اللي هتفقسله كل يوم، أحب أقولك يا راجل لما تيجي تدخل بيت تدخله من بابه يا راجل !! وتقعد مع رجالة البيت !!.. دي الأصول وده الاحترام .. وطبعا لأنك عارف إنك مرفوض رافضا باتا فا عمرك ما هتعمل ده، ومعندكش غير طريق الشمال اللي أنت سالكه من سنين مع بنات الناس !!.. أنا من رأيي كفاية عليك البطولة اللي أخدتها والعربية المرسيدس الهدية.. وتركز في شغلك وتسيبنا في حالنا لأن طول عمرنا في حالنا ومحدش سامع عننا حاجة وملوش لازمه جو الصور والمعاكسات ده، وأنا مبخفش من تهديد حد!!".

رد الفنان أحمد العوضى على هجوم شقيق ياسمين عبد العزيز بشأن علاقتهما مع بعض ونشر صورة عبر حسابه الشخصي على موقع التواصل الاجتماعي "انستجرام" قائلاً "بحبك يا ياسمين" وفيما أعادت الفنانة ياسمين عبد العزيز نشرها، قائلة "بحبك ياأحمد".

لتبدأ حرب عائلية على منصات السوشيال ميديا، وأخد "العوضي" طرف الحديث ليرد عليه في رسالة له على حسابه الرسمي بموقع "فيس بوك" قائلًا "انهى بيت اللى ادخله من بابه.. ان كانت هي اللى بتصرف عليه وعلى ابنك اللي مخبيه وراميه وهي بتدفعله مصاريف مدرسته.. باب ايه يا ابنى ادخله هو انا شفت راجل واقف جنبها.. دي واحدة انت مبتعملش حاجة غير أنك بتستنزفها هي ومامتها.. باب ايه يا ابنى الى هدخله من بابه واكلم واحد بيتكلم على عرضه ولحمه قدام الناس.. يا ابنى انا من عين شمس منطقية شعبية اتربيت على ان الأخت والام والست الكلام عليهم من الكبائر.. عربية ايه يا ابنى انا اجرى الحمد لله يعيشني كويس ويجيبلي عربية حلوة وبيت كويس.. بمجهودي وشغلي مش على عرق واحدة ست.. باب ايه يا حبيبي اللي ادخله وانت أصلا عايش باسمها.. انا شقيت على حالي بعرقي.. لكن انت فشلت في كل شيء فشلت كممثل وفشلت كأب وفشلت كأخ وفشلت كبنى ادم".

فيما خرج الفنان محمد محمود عبد العزيز عن صمته ليهاجم شقيق الفنانة ياسمين عبد العزيز بعد المنشور الذي كتبه على أخته عبر مواقع السوشيال ميديا، حيث أثار المنشور الجدل بين رواد موقع التواصل الاجتماعي " فيس بوك" وموقع التدوينات القصيرة " تويتر" .

علق محمد قائلًا " انت بتتكلم عن انسانة احنا نعرفها كويس، ألف خسارة على الرجولة لما أخ يتكلم عن اخته كدة، ياسمين بـ 1000 راجل"

اقرأ أيضًا..بالفيديو..محمد محمود عبد العزيز: " ياسمين عبد العزيز بـ 1000 راجل "

وأعرب محمد محمود عبد العزيز، عن استيائه من تلك الكلمات التي نشرها شقيق ياسمين عبد العزيز قائلًا " عقلك كان فين وانت بتكتب الكلام ده، مفكرتش انت بتعمل اية، الي حصل ده مالهوش علاقة بالرجولة ابدًا".